نهار السوق .. حسونة ياكل في كسكروت بالتن

مللى كسكروت . شيء يسيل الريقة ، شوف كيفاش واقف بجنب الحيط متاع المرشي ، وشادد الكسكروت بيديه لثنين ، وغارس شواربو وسنيه كي الذيب ، حتى من شلاغمو ، ما منعتش مالزيوتة والهريسة ، هو كي تجي تشوف كسكروت قمقوم كيف مولاه ، والكلب الكسكروتاجي ، مشخشخو مليح بالتن والمالح والفلفل المسير والزيتون والكبار والهريسة ، ولو كان لقى راو شدلو صحن بيديه وفيه الكسكروت ويوكلهولو ويزيد يقللو :

تفضل سيدي ، تاكل بالشفا سيدي . قازوزة السيدر  تستنى فيك ، كي تكمل تفضل اشربها ، تحبش ننظفلك بليصة في الحانوت سيدي . ايه . لا . نعرف اللي الحانوت ممسخ ، وانت جبتك الخمري نظيفة ، وزيد لابس سورية بيضا .. وصباط قمقوم . العباد موش مخلينك تتهنى ، انت تحط جلغتك فيه ، وهاللي يجي يصبح ، صباح الخير سي حسونة ، زارتنا البركة ، اشنوة جيت في الكرهبة الخضرا .. القازوزة سيدي على حسابي .. ما عليناش ، هو ثمة حاجة توصل غير الكرهبة الخضرا .. وانت تصبح تقولش عليك باش تدفع فلوس ، عندك الحق سيدي حسونة ، ناس ممسخين ، واللى هذا يحب يسلم ويبوس ، تقولش عليه من بقية اهلك ، هو انت اهلك ، تعمل معاهم في سقوطية ما تجيش على بال الشيطان ... اما الناس ما تعرفش اللي انت كلب وواطي وفاسد ، وزير متاع نساء ، لا تسيب لا اللي كفرت ولا اللي سلمت ، قريبة والا بعيدة ، سمينة والا ضعيفة ، تايبين لله ، لو كان تلقى بغلة ما تفلتهاش ، جاب ربي عندك شكون يخدم في الدار ولاهيتلك بالفرسة ، وبالطبيعة لاهيتلك بالعصفور متاعك ، ياوحيد يازنديق ، يافاسد ، تحسايبنا ماناش فايقين بيك .. دويو . كول الكسكروت ، وتعدى من بعد للززار اشري الزهومة كي العادة وتسوق  ، واللي في القفة نعرفوه ، وحيدة "فيو تيبار" ، مشعشعة ، كي يبات الحس، تطفئ اللمبارة البريموس ، وتشعل هاك الفنير  ، تكون الزهومة طابت ، وهي سخنت نحاسة المي ، وعملت تبحبيحة ، ونشفت ، وطلعتلك ربنا كما خلقتنا ، بزازلها .. هاي البزولة ، نعرفوك كلب سلعاق ، تحط هاك الشوارب ، اللي توه تبورد بيهم في كسكروت التن ، وتبدا تبوس فيها من رجلها وانت طالع ، تبوس وتقوللها ، ما بنك وما احلاك ، وتبدا طالع تبوس وتلهث كي الكلب العطشان يجري في القوايل ، ياخي ما نعرفوكش ، حتى لين توصل لدار الوسط ، تأخذ مزة مالدبوزة ، تقولش عليك زوفري ، هه زوفري ؟ انت باش زوفري ،  وتنحي سروالك القندليسة ، وتمد لسانك ، وتبدا تلحس ، لعنة الله عليك ، ما دخللنا الخبث كان انت ، هاك اللسان وهاك السنة ذهب ، وهالنظافة والقيافة ، وانت اخبث منك واوسخ منك ما فماش ، تفوه عليك .. بارود يبوردك .. 

كمل الكسكروت بالتن متاعو ، شرب مزه قازوز سيدر المدب ، تباوع وتقرع ، قاللو الكسكروتاجي بالشفا لسيدي و مدلو منديلة نظيفة تلق لقان ، مسح كشختو ، وخللى دبوزة القازوز السيدر  وهاك الطابو لبيض متاعها معلق في عنقها ، ومد حق الكسكروت ، وكي العادة حتى في لامان ماقالهاش . الكسكروتاجي بعد ما مشى قعد يسب ويقشتل ، بينو وبين روحو ، قال :

 الزح ، حتى في لامان ما قالها ليش ، مللى زنس واطي 

اللي بحذاه  ٠ كاينو قرا اللي في مخو ، قاللو  :

حتى انت زنس واطي .. اوطى منو هو برشه .. وفي الواقع صنعة هزان القفة ماكمش باش تنساوها  ، لستعمار خرج .. خرج عندو عامين مالبلاد ، لكنو مازال ساكن في مخاخكم ، خوذ حق كسكرتك وربي يعينك عالطحين ، الكسكروت اللي تعملهولو ، تعمللنا نحنا بيه المزمرين ، بناي عمك ، ثلاثه والا أربعة كسكروتات !

عيط حسونة للخدام عمار ، اللي كان واقف بعيد ، يستنى

فيه حتى يكمل يبورد ، وقاللو :

 ايا ويني هاك العلاقة ، هاتها ، وتبعني .

خطوة خطوة ، وهو يتهنكر بجبتو الخمري وصباطو اللي يلمع ، والخدام وراه ، يتبع فيه ، واللى هذا يصبح ويسلم ، بالطبيعة ثمه شكون ما يخزرلوش بشق العين .. لكن في هذا هو ما يهموش اللي يسلم والا اللي ما يسلمش ، هو جاي باش يعدي ليلة الاحد ، يسقي العصفور ، ويتنفنف ، ويروح ، في قلبو يقول :

الله لا يجعلهم باش سلموا .. شوف هاك الهدرة الكبيرة ، محسوب ..

ضرب مزه ، وحشا راسو بين بزازلها ، ومشى لسانو على حلمة بزولتها ، مرة ومرة ومرة ، هاجت ، ولات تلهث قالتلو :

سيدي ، وووه ، ما ابن لميسك ، يعطك سخطة ، قداش ما حلو ، زيدني .. فيسع وعدل الميزان .

شد البزولة لخرى ، عبى بيها يدو وعاود لحس ومص .

صاحت وهي تلهث قالت  :

وك ما احلاك كمل .. باش تقتلني ، اش عملتلك ..

قاللها :

مازال الليل طويل ، ومازلت هابط نعمل مسحة للبازار .

هوما هكاكا ويسمع في تقربيع وتخرويش جاي مالمخزن ، ضرب مزه مالدبوزة و قالتلها  :

 نسمع في التخرويش  ٠

قالتلو  :

كمل برك ، الطفلة في البيت الغربي ، ترقد مالمغارب ، الشور الكل عليها مسكينة ، وعمار في المخزن ، تلقاه تقلب هكا والا هكا ضربت كرعيه في سطل  ..

قاللها :

اش بيتو لهنا ..

قالتلو  :

هيا كمل راني هجت ، ما تخليني معلقة ، عمار ، كي يبات لهني خير ننجم  نفززو بكري ..

سكت ورجع لسيرتو ..

عمار يتفرج فيهم مالمضوى . خذاتو ساقو زلق . تدعثر في السطل . جاب ربي الكلب مأخذ راحتو معاها.. قال عمار  :

 مللى راطسة ، في العمر هذا  ٠ومازال يهد في الهدود .. قالتلو بعدما قلب وجهو وروح ، وهي باركه فوقو :

ما يعرف كان يهيج السخطة ، لعبو باهي ، اما يبندل في شطر الثنية ، يوللي كي الكلب السلوقي ، بعدما يخلط عاللرنب ، موش كيفك انت يا عمار ، فرتول ، جيعان ، و عطشان ، وهايج ، ومسيب في الزرع لخضر ..

ضحك عمار قالتلها  :

 هو من ناحية كلب ..كلب.. وكلب بن كلب زاده .. اما هانا عايشين من ظهرو ، خليني سارح في زرعك يادوجة يابنينه ، والله نبيع عليك جرودي ، اشنوه هالنعيم  ، عندو الحق الراجل هابل عليك ..

قالتلو بصوت ناعس  :

اخدم ياعميرآت ويزي مالكلام ، ماحلاك كي تهزني وتحطني وتجبدني وتبعدني وتلزلي وتبوسني وتلحس وتعنق .. ايه هاي الرجال .. نحب الراجل اليبدا كي الثور .. وانت ثور ياعمار ، ثور مسيب في زرع يلوج عالروا ..

هو ، سي حسونة ، كي فز الصباح فز مثمون وتاعب وعظامو مدقدقة .. اشبيك ليلة كاملة وهو يهد في الهدود والنافع الله ، كي نادالها صبحت عليه وجابتلو سطل الماء باش يغسل وجهو قاللها :

نعنبو زينك ما احلاك وما بنك ،  ما خليتش فيا ليلة البارح ، هديتلي حيلي !

ضحكت ضحكة خفيفة ، وخزرتلو خزرة متاع حقرة .. وفي قلبها قالت :

 وانت فيك حيل يتهد ، الشيب والعيب ، تفوه على هالراتسة الكلبة ..

تفكرت اللي هيا قالتلو  البارح وهو بالع :

اشبيه بهيمك برك في شطر الثنية ، الله لا تربحك  لا ركبت انت  ووصلت ، لا ركبتني  ووصلتني .. كيف انت  دحوة اش لزك طالع للجبل ..

ضحك وقاللها :

ما بنك وما بن تزوفيرك  ، نموت عالمرا القبيحة ، هي القباحة ما تحلى كان بالكلام القبيح .. والله نستاهل نعريلك ترمتي وتبعبصني . قالتلو مارخصك راجل ، يكب والله سعدك ،، وك ،، وك ،، وك ،، وتحب لظهرك ؟ عاد خليني نناديلك عمار يركبلك عالبردعة متاعك ..

ضرب مزة وقال لها. :

يعنبو لسانك ، مدو خلليني نمصو ..

ومد سيغارو ، شعلو ، جبد نفسين ، وحط راسو  بين فخاذها ورقد  ٠

قالتلو :

 يكب  سعدك كان انت راجل .. 

شخر ، جات  تصويرة كسكروت التن في ذهنو قام يهتري ..

لمت فخاذها ، بعدتلو راسو حطتو عالمسند ، لبست دبشاتها ومشات رقدت  بحذا بنتها ، وهي تتمتم ٪

يسود وجهو كان هو راجل !!

الراجل  ، اللي كان ياكل في كسكروت ، ركب على بهيمو  مروح ، مع سرعوفة سواقة حكى حكاية الكسكروتاجي مع بوجبة  خمري .. قاللو واحد مالسواقة :

سوق ، حتى هو  سوق  ، يلعن بو هالسوق ، قداش يكركر ويجيب .. يلمها من كراع كلب .. !!